Plizyè lidè nan gouvènman ak òganizasyon a bi likratif ap travay ansanm pou amelyore edikasyon popilasyon imigran Ayisyen ki nan Springfield yo sou fason pou yo genyen lisans kondwi, ak konnen lwa wout yo.
Imigran Ayisyen ki nan zòn nan fè fas ak defi nan kondwi legalman, ansanm ak baryè lang, avèk mank resous disponib ki ka dekri pwosesis yo an Kreyòl Ayisyen, san bliye gwo diferans konvansyonèl ant kondwi an Ayiti avèk Ozetazini.
Depi lè yon chofè Ayisyen te enplike nan yon aksidan avèk bis lekòl ki te tiye on timoun onz an, epi blese plizyè douzèn lòt elèv nan Nòwès la, jou kite 22 Out la, yon douzèn abitan Springfield te eksprime enkyetid yo nan reyinyon lameri yo sou pil imigran Ayisyen kap debake nan vil lan.
Yo poko deside sou chaj kont chofè imigran san lisans sa, ke yo akize ke li te travèse liy mitan wout la epi ki al lakoz bis la chavire.
“Nou pa vle lonje dwèt sou yon sèl kilti pou nou di se yo ki lakòz tout pwoblèm nan mond lan,” se sa Lt. Beau Collins nan Divizyon Polis Springfield te di pandan yon reyinyon avèk Haitian Coalition Mèkredi-a, ki te genyen anviwon 60 moun.
Plizyè milye imigran Ayisyen te vini nan Springfield nan dènye ane yo. Yo estime ant 5,000 ak 10,000 Ayisyen kap viv nan vil la kounya.
Credit: Bill Lackey
Credit: Bill Lackey
Kijan yon imigran ka genyen yon lisans kondwi nan Ohio?
Daprè sit entènèt BMV Ohio a, imigran ki genyen yon kat rezidans pèmanan — ke yo rele tou “green card” - pase menm pwosesis ak moun ki pa imigran pou yo jwenn lisans kondwi. Yo dwe prezante kat rezidans yo, kat sekirite Sosyal yo, si yo genyen l’, avèk prèv ke yo abite Ohio anvan yo ka pran tès la.
Plis enfòmasyon sou ki dokiman ki nesesè pou prezante yo disponib sou sit entènèt sa. Jason Via, Asistan Direktè nan sekirite piblik ak operasyon nan biwo majistra Springfield la, di ke sit entènèt la se pi bon resous pou imigran Ayisyen paske enfòmasyon ki sou li yo pi ajou e konplè.
Via di ke Eta a vle ajoute tradisyon Kreyòl anplis de Fransè ak Panyòl ki disponib deja.
Moun ki te aplike oswa ki deja resevwa azil yo, ka prezante dokiman I-94 azil yo oswa resi ki di yo te aplike pou li, pou yo ka jwenn kat idantifikasyon tanporè eta-a, Johnson Salomon yon defansè pou pasyan nan Rocking Horse Community Health Center, te fè deklarasyon sa nan yon reyinyon avèk Hatian Coalition nan.
Salomom, yon imigran Ayisyen ki abite Ozetazini depi 2020 di ke pou l’ jwenn lisans kondwi li, li te prezante yon resi ki di ke li te aplike pou Temporarary Protected Status (Estati Pwoteksyon Tanporè), ansanm ak paspò li ak dokiman I-94. Aprè sa, li te pran tès pou l’ jwen pèmi tanporè, aprè sa li pran tès kondwi a 30 jou aprè, lè li fin resevwa lisans li.
Collins di li gen yon pwoblèm ansanm avèk imigran Ayisyen ki ap montre “lisans chofè entènasyonal yo,” dokiman sa-a pa valid.
Si yon imigran genyen yon lisans valid ki soti nan yon lòt peyi, li valab Ozetazini ak nan Ohio. Yo ka kondwi legalman nan peyi a ak Ohio pandan yon lane oswa jiskaske yo vinn yon rezidan Ohio. Lè sa yo oblije genyen yon lisans Ohio - oswa yon lisans nan yon lòt eta kote y’ap viv - nan lespas 30 jou.
Pandan tès kondwi a sou wout la, yo pa pèmèt yon entèprèt nan machin nan, men yo ka prezan pandan tès pou pèmi tanporè a, ki diferan de tès kondwi sou wout la.
Kondwi an Ayiti
Daprè Inivèsite Johns Hopkins, “fòk ou pran anpil prekosyon” lè w ap kondwi an Ayiti. Pa gen anpil pano siyalizasyon sou wout yo ak limyè ki fonksyone, gen blokis souvan e kondisyon wout yo pa bon.
Dapre Johns Hopkins, règ trafik yo souvan inyore epi yo pa aplike yo. Li nòmal pou kondwi vit e agresif, chofè yo pa toujou respekte lwa pou kondwi sou bò dwat la, anpil machin pa genyen limyè devan ou dèyè, epi gen machin abandone ki bloke sikilasyon an.
Kondwi anba enfliyans alkòl, menm si li ilegal, se yon pratik komen dapre inivèsite a. Pano ki montre limit vitès yo souvan absan, epi anpil wout pa make.
Credit: Bill Lackey
Credit: Bill Lackey
Eske kominote ka bay edikasyon sou kondwi?
Salomon pwopoze fè yon videyo an Kreyòl pou explike pwosesis pou jwenn lisans lan pou pataje nan kominote imigran Ayisyen an.
Yo tap kapab distribiye videyo sa a nan stasyon radyo Ayisyen nan Springfield, sou paj medya sosyal gwoup kap ede yo epi petèt nan espas kote moun chita nan òganizasyon san bi likratif tankou Saint Vincent De Paul si yo ka mete televizyon pou sa.
Videyo sa yo kapab itil. Alejandra Espino ki travay pou Advocates for Basic Legal Equality, di li te wè sa lè yon kliyan li konnen te dil li pase tès lisans li an aprè li te gade yon videyo YouTube an panyòl. Li di li pase tès li a gras ak videyo sa.
Videyo a ta kapab gen figi moun yo rekonèt nan kominote Ayisyèn an, tankou pastè ak lòt lidè kominotè, daprè Casey Rollins, direktè Saint Vincent De Paul Direkte nan Springfield.
Avek plizyè santèn elèv imigran Ayisyen ki nan lekòl Springfield la nan kat dènye ane yo, Collins di ke anseye edikasyon sou kondwi nan lekòl yo ta youn nan solisyon ki tap itil yo. Jèn yo ta kapab pataje sa yo aprann ak paran yo.
“Se tap yon efè transmisyon de anwo a anba, eksepte li tap monte tou paske yo ta pral pote sa yo aprann nan lakay yo tou epi pale ak paran yo,” Collins te di.
Yon sèl gwoup pa responsab pou tout aksidan nan Springfield
Collins di pandan reyinyon nan Coallition an ke depi aksidan bis lekòl la, anpil moun nan Springfield blame chofè Ayisyen pou lòt aksidan yo, men nan eksperyans li, vil la te toujou gen chofè san lisans k ap fè aksidan.
Collins di ke genyen anpil aksidan ak chofè san lisans sou Bechtle Avenue ak State Route 41 depi plizyè lane, avan menm gwo kantite imigran Ayisyen yo, te gen yon premye popilasyon imigran panyòl ki te la. Lè sa, Leta te finanse patwouy SPD nan zòn nan pou yo te bay moun kap mal kondwi kontravansyon.
“Pandan plizyè ane, se te zòn ki te gen plis aksidan nan tout eta Ohio a...” Collins di. “Lè ou pale ak trooper nan tout eta Ohio a epi ou di yo ke ou soti Springfield, yo tout di menm bagay la: ‘Moun Springfield pa konn kondwi.’ Epi li vrèman grav. Mwen pa ekzajere; li vrèman grav.”
Pa sanble gen yon ogmantasyon nan aksidan yo dènyèman, Collins di.
“Reyalite a se ke sa pa gen anyen ki nouvo vre,” Collins di.
Plizyè aksidan fatal nan dènye ane yo se sitwayen ki fèt nan peyi a ki fè yo, Collins di.
“Mwen pap minimize sa ki te pase a; mwen jis di ke nou dwe sonje ke nou pa ka kite yon ensidan dikte naratif la; se pa laverite,” Collins di.